Betiyan

Betiyan tou baabul ki raaniyan hain
Betiyan papa ki raajdulariyan hain...

Jo maa papa ko swarg le jata hai ; vo beta hota hai
Par Jo swarg ko ghar le aaye vo beti hoti hai

Na jaane kyu ek beti ko apna ghar chor ke jaana padta hai
Jisko ungli pakadkar chalna sikhaya hota hai aakhir ek din use doli mein bithana hota hai

Bahut chota sa safar hota hai pyaari si betiyon ke saath..
Bahut kam waqt ke liye hoti hain ye maa papa ke pass..

Meethi meethi si yaadein lekar chali jaati hain
Jindagi ek kahani ban jaati hai
Beti ek nanhi si Kali hoti hai
Jise apna sab kuch chodkar khin aur jaana padta hai

Inka dard koi naa jane
Jo Jane uski aankhe nam ho aave
Kuch log beti ko bojh samajhte hai
Shayad unhe zindagi ka arth hi nahi maloom hota hai

Beti ki mohabatt ko aazmane ki jurrat mat karna
Usko rulane ki gustakhi naa karna
Beta agar maan hai
Tou beti ghar ki shaan hai

Maa baap ka saath hamesha nibhati hain betiyan..
Sab dukh dard apne dil mein basakar ji jaati hain betiyan..

Bhale hi chehre par muskurahat rakhti hain betiyan
Par apne dil mein kai daastan likh deti hain betiyan..

Ghar ki ladli hoti hain betiyan..
Rishton ko sanjokar unki yaad mein roti hain betiyan..
Kabhi inki aank se aansoo na chalakne dena
Bahut maasoom hoti hai ye; inka dil na dukhne dena