Aajadi ka jashan hai yaro
Milkar ise manaye
Yaad kare un veero ko
Fir unko sheesh navaye
Kaise kaise yatan kiye
Jab mili hame aajadi
Rakt baha un veero ka
Aisi thi vo jange aajadi
Bhool rahe us kurbani ko ham
Aapas mai lad lad kar
Aajadi ki jang ladi thi
Ham sabne mil julkar
Nahi ladenge aapas mai ham
Kaise bhi pal aaye
Yaad rakho un Mao ko
Jisne apne laal ganvaye
Aao ham sab shapath uthhaye
Fir aajadi ka jashan manaye
Apne pyare bharat ko
Milkar mahaan banaye