ye dadhkan us dadhkan se kehti hai

Dadhkane jaati hain seham hamari,
Dekh bheegi palkein tumhari.
Itne nasamjh nahi hain dost hum,
Kab ho khush aur kab aankhiyan num.

Rag rag se waakif hain aapki,
Pehchaan lenge baarish mein chupe ashqon ko bhi.
Jo guza gaya kyu soch kar hote ho udaas,
Aapko aise dekh tootne lagti hai hamari saans.

Pakad kar dekhiye in nanhe hathon ki ungliyan,
Chhu lenge aap har bulandiyan.
Maana naadan hain hum,
Saanso ki maala ho tum.

Agar itni mohabbat krte ho,
Hamare khatir bhool jao.
Aao milkar banaye ek pyaara sa aashiyana,
Jahan sukoon aur pyaar ka hoga thikana.

Jitni shiddat se chahte hain aap,
Har takleef lete hain bhaap.
Bhale meelon dur ke hain faasley,
Khuda ka vaada hai jaroor milengi maziley.

Aapko hum har khushi dena chahte hain yaara,
Aapse hi hai hamara jahaan pyaara.
Aapko takleef mein nahi dekh sakte hum,
Duniya ki har jageer se pyaare ho tum.

Zindagi se kuch sawalaat karne baaki hai,
Aapki aankhon ke har katre ka hisaab lena baaki hai.
Aapko itna pyaar dena chahate hain hum,
Aapke har dard ka bn jayenge marhum.

Humsafar chuna hai aapne humein,
Subah ki har shuruaat hoti hai dekh tumhein.
Aapki zindagi mein laye hain khuda se maang sawera,
Pyaar ki roshni se mita denge har andhera.