Meri zindagi ne mod liya kaisa
Socha nahi tha ki hoga kabhi aisa
Hawao ka badalta rukh
Deta hai bahut dukh
Akhiyon se bas behti hai nadiya
Hai bahut si majburiya
Badal gaya ye aasma
Kaisa hai ye khuda ka karishma
Dikha diye sabke peeche chupe chehre
Kar diye dil ke ghav gehre
Tod diya sabne vishwas
Nahi hai koi bhi aas
Kiya tha Sab par bharosa khud se jyada
Tod diya har ek vaada
Dikhte hai log jaise
Hai nahi bilkul bhi vaise
Pehne hai sabne yaha nakaab
Bante hai Sab nawaab
Nahi hu kisi se naraaz
Bas pasand nahi aaya ye mijaaz
Nahi hu kisi se ruthi
Bas gum rahega jis par bharosa kiya vo duniya hai jhuthi
Na hi hai kisi se nafrat
Kyunki nahi hai ye meri fitrat
Dete hai sab yaha dokha
Nahi karna chahti ab kisi par bharosa
Jante hai Bs log bhawnao ke saath khelna
MuJhe ab yha nahi hai rehna
Toot gyi hu bilkul
Gaa rahi hai ye choti si bulbul
Kaisi hai is dard ki ada
Sehne walo par hi hai fida
Haa hu mai naadaan
Par itni bhi pagal nahi ki kar na Saku sahi or galat ki pehchan
Aye zindagi thamegi tu kab
Nahi chal sakti ab
Piroye they jo khwaab
Lagne laga sab kharaab
Waqt ne sacchai se yu milwaya
Nahi hai koi jisne marham lagaya
Kaash tham jaati saanse
Ye Sab dekhne se pehle
Nahi deni kisi ko koi bhi safai
Vishwas hi nahi tou kyu du sacchai
Nahi hai kuch bhi samajhna ya samjhana
Bus bahut duuuuuuuur hai jaana
Dungi sabko har waqt dua
Nahi kosna chahti kisi ko jo bhi hua
Kush raho tum sab
Bus jaane do ab
Krdo itni meharbani
Jaankar sacchai hui bahut hairani
Dil ki awaz ...
Kabhi kisi ki achhai ka itna fayda mat uthana ki wo bura banne par majboor ho jaye , bura aksar whi bante hain jo toot kar bikhar chuke hote hain . Na jane kyu ek achha insaan jo sabke baare mein sochta hai , sabki khushiyon ke baare mein sochta hai aksar whi zindagi ki rah mein sabse akela reh jaata hai. Saccha dil jab tootta hai na bhale hi uski tutne ki awaz nahi aati hai par wo bhut dard krta hai .. dard hota hai jab apne hi dil chur chur kar dete hain. Ek achha insaan ek sabse badi bhool karta hai ki wo sabko apne jaisa samajh leta hai . Aksar jisko hum apna samajhte hain Wahi dokha de dete hai or is kadar dard dete hain ki wo majboor ho jaye bura banne ke liye .. ek sacche dil ki khasiyat pata hai kya hai? Sacche dil wale pagal nahi hote doston wo itne bade dil wale hote hai ki wo sabko maaf kar dete hain chahe us insaan ne uski zindagi hi kyu na ujaad di ho. Agar kisi ka marham nahi ban sakte tou haath jod kar gujarish hai uske dard ka kaaran bhi mat baniye ... zindagi ke is mod par bahut kuch dekhne ko milega , bahut log milenge , kisi ka kabhi bura mat karna Kyunki jiska dil , vishwas , bharosa tootta hai na uska dard sirf wahi samajh sakta hai . Kabhi kisi ka bharosa is kadar mat todna ki wo zindagi jeena hi chhod de . Unke aansu unki palak se neeche nahi girte pta hai kyu ? Kyunki wo paani ka katra nahi hai jo aankh se chalakar beh jaye wo Sach much ke aansuo ka sagar hai jo tadap kar akhiyon mein hi apna basera dhund lete hai . Duniya mein aise rishtey sanjo kar rkhiye jaha halki si muskurahat aur choti si maafi se zindagi dubara pehle jaise ho jaye . Kuch rishtey sirf naam ke liye log banate hai ..aise naam ke rishton ke saath zindagi guzarti hai aahista aahista fir waqt bhi dagmagata hai aahista aahista ..fir tou sirf yaadein reh jaati hain uske baad wo bhi kora kagaz ban jaati hain ..kuch rishtey itne khaas hote hai pta hai kaun se ? Jise bhagwaan khoon ke rishton ki dor se baandhna bhool jaate hai unhe dil ki taar se jod dete hain . Har khushi dil ke kareeb nahi hoti , zindagi dardo se dur nahi hoti , aye dost agar dil se Jude rishtey mile tou use sanjo kar rakhna Kyunki aise khubsurat rishtey har kisi ko naseeb nahi hote . Bahut si baatein is zindagi ne sikha di , bahut kuch dikha diya bas intezaar us lamhe ka jab mera maksad is duniya mein aane ka poora hoga aur meri saanse thamengi. Jiwan ke har mod par sunhari yaadon ko rehne do , zuban par har waqt mithas ko rehne do , ye sabse khubsurat andaaz hai jeene ka na khud raho udaas, na hi dusro ko rehne do .