Fariyaad

Chhori hai naiya maa tere hawale,
Meri patwaar tu hi sambhale.

Pakad lena naav tum meri,
Nahi tou doob jayegi beti teri.

Hum tou kaabil nahi maana magar,
Taarogi tum hi jayenge hum kidhar.

Tum sab jaanti ho maa kya hai dil mein,
Tere bina ab hum jee na sake.

Hey maatarani ek hi ardaas hai meri,
Chaar din ki hoti hai zindagi.

Meri har khushi mere maa baba ki jholi mein daal de,
Muskura rahe wo jin lamhon mein.

Wo kabhi kam na hone dena,
Unka har dard mere hisse mein likna.

Ek aansu ka katra na gire unki aankhon se,
Meri is vinti ko bs maa sun le.

Haar gayi duniya se,
Aayi hu tere dar pe.
Bojh mera tu utha le,
Apni naiya chhori hai tere hawale.

Jakham itne gehre hain izhaar na kar sake,
Khamoshiyon ko gale lagaye bs chup chap baithe.

Jo jaisa dikhta hai waisa nahi hota,
Dil mera siskiyan lekar rota.

Us insaan se jhoot nahi bola karo,
Jise aapke jhooth par bhi vishwaas ho.

Takleef hoti hai maa jab apne apne nahi rehte,
Kya se kya hogya duniya ko dekhte dekhte.

Thukra diya jhuta sansaar maine,
Sab kuch hai ab tere hawale.

Labon pe tadap dil mein fariyaad,
Khwaabon ka gulshan hai barbaad.

Aashiyana apno ne tod diya,
Zehar ka ghut bhi khushi se piya.

Bs haath jod ek hi dua karti hu,
Itna kaabil bna dena maa baba ko mai har khushi du.