Kuch Panktiyan papa ke naam

Aksar tooti hui kaliya der raat tak jaaga karti,
Papa aapki bheegi palkein dekh nahi sakti.

Aapki aankhon mein wo ashq ka katra,
Dil mein mere is qadar utra.

Jab khaali ho fir bhi kabhi mana karte nahi dekha,
Duniya mein sabse ameer hote hain papa.

Mann khush ho tou ek bund bhi hai barsaat,
Dukhi mann ke saamne samundra ki kya aukaat?

Dil se toot jaati hoon jab aapko dukhi dekhti,
Aapki aankhon mein nami bardaash nahi kar sakti.

Jee chahta hai aaj ro lu jee bhar ke,
Jaane kyu naraaz hu khud se.

Chah kar bhi apna haal baya nahi karte,
Andar hi andar kyu ghut te rehte.

Papa nikal do jo dard bhara hai seene mein,
Dekha nahi jaata rote ho chhup chhup ke.

Dusro ko rulakar maze lene walon sabar rakho,
Ek din zindagi tumse maze lagi papa keh do unko.

Rishtey nibhana har kisi ke bas ki baat nahi,
Apna dil dukhana padta hai dusro ko dene ke liye khushi.

Poocha tou kehte kuch nahi hua beta,
Sabki rag rag se waakiff hu papa.

Hua tou kuch bhi nahi,
Shayad apno ne nami de di.

Dil chhota mat karo,
Ishwar par bharosa rakho.

Uparwala sab dekh raha hai,
Kaun kya kaise kar raha hai.

Wo khamoshi mein dard mehsoos kr leta,
Yakeen maaniye sabko jawaab jaroor deta.

Kaise baar hum bina galati ke bhi galti maan lete,
Darr lagta hai na kahin koi apna na roothe.

Mere dil ne kabhi kisi ka bura nahi chaha,
Ek baat kahein jo log bhut achhe hote hain na,

Sabse jyada dard bhi unhi ko milta hai, dil khoob rota,
Jo log sabki fikar karte unki fikar karne wala koi nahi hota.

Kuch log seene se laga kar kaleja nikalne ka hunar kha se laate,
Jaane itna kathor dil wo kahan se paate?

Jiska dil jitna achha ho unke,
Jakham gehrey hote hain utne.

Ek salaah dena chahata hai ye dil sabko,
Duniya mein bhale hazaro rishtey banao.

Lekin ek rishta aisa jaroor banana dosto,
Jab hazaro khilaaf ho tou wo aapke saath ho.