Surat ko badalte dekha hai
Seerat ko badalte dekha hai
Hamne to is jalim duniya ki
Neeyat ko badalte dekha hai
Roop badalte dekha hai
Aur rang badalte dekha hai
Kuchh logo ka hamne to
Rang dang bhi badalte dekha hai
Chaal badalte dekha hai
Aur dhaal badalte dekha hai
Hamne to apne yaaro ka
Surtaal badalte dekha hai
Naam badalte dekha hai
Aur man badalte dekha hai
Mushkil ki ghadi mai apno ka
Emaan badalte dekha hai
Gareeb badalte dekha hai
Ameer badalte dekha hai
Matlab bhari is duniya mai logo ka
Jameer badalte dekha hai
Soj badalte dekha hai
Aur saaj badalte dekha hai
Hamne to kuchh logo ka
Andaj badalte dekha hai
Bhai ko badalte dekha hai
Harjai ko badalte dekha hai
Kaliyug ki is duniya mai
Sacchai ko badalte dekha hai
Dil badalte dekha hai
Aur dal badalte dekha hai
Hamne aise logo ka fir
Kal badalte dekha hai
Aan badalte dekha hai
Aur shaan badalte dekha hai
He ram tumhari is duniya mai
Insaan badalte dekha hai