Ek chhotee but badee kahanee

Train ki puri compartment ki safai karne ke bad wah saat saal ka ladka apne kamar ko sahara deta hua utha.Ek haath apne reedh ki haddi par rakhkar aur dusra yatriyo ke saamne failaye hue wah aage badhta jaa rha tha.Koi usse nachne ko kahta,koi gane ko. Koi kahta kitna kama lete ho din bhar me? to koi kahta maa bap dusre compartment me kama rhe honge. Aakhirkhar koi do char paise haatho me thame wah train se utar gya.

Kuchh hi der ke baad kinnado ki ek tolee compartment me talee bajatee hui pahuchi. Koi kinnad kisi yatri ko darata,koi dhamkata , koi jalil karta to koi chidhata.
Jab kinnad plateform pe utre to unke haatho me notes se bhare bag the. Idhar wo note ki gaddiyo ko sahejne me byast the aur udhar saat saal ka bachha chand sikke aur apne do saal ke annath bhai ko lie apne aur uske aansuo ko sahejne me...