chali mai tujhe chhodkar ai ghar
banane ik naya ashiyana
ye aakhri padaav hai mera
kyonki ab jo hai vo hai khud ka makan
jab bhi chhoda kisi ghar ko maine
yaadein saath me chalti hai
saath me hota hai dukh us ghar se door hone ka
na jane kya choobhta hai man me
ghar se door hone ka ya kahin aur ghar basane ka
khair ye to safar hai zindagi ka
kuchh chhutenge kuchh milenge
par saath me hoti hain yaaadein jo ham
saath me le chalenge
dua mangte hain hum khuda se ai ghar tujhe mile hamse bhi achha sahejne wala tujhe
aur tujhe yaad na aaye hamari tu khush rahe saath sada uske