safar dosti ka
SONIA PARUTHI
Thu 11th Jul 2019 Write your Poem 
Ek pyaara sa ehsaas hai ye sacchi dosti.
Aapki jaisi dosti zindagi bhar saath de,
Hum tou maut ko bhi peeche chhor jayenge.
Khushnaseeb hain hum manish ji,
Aapko paakar sawar gayi zindagi.
Ye tou dilo ka wo khoobsurat ehsaas,
Jiske dum se roshan ye saari kaayenat sabse ho aap khaas.
Saath rahenge aapke umr bhar ke liye,
Hamesha rishta nibhayenge vaada hai aapse.
Khuda se bhi pyaari hai muskaan aapki,
Ye saccha rishta hai hamari bandagi.
Hamare hal pal ko khubsurat banaya aapne,
Sir jhuka kar sajda kar le aapke saamne.
Hamari har dua mein aapka naam hai shaamil,
Shukriya hai khuda jo banaya humein aapke kaabil.
Hamari har khushi hai aapse,
Duniya ki har khushi uparwala aapko de.
Taqdeer hai hamari qismat wali,
Rutba, shaan, shohrat daulat ki humein pyaas nahi.
Jabse aapke kadam hamari zindagi mein pade,
Bagiya mein hamare phul khil utthe.
Har khwaiysh poori ho gayi yaara,
Jab thaama aapne haath hamara.
Maza aata hai kisi ko satane mein,
Ruthe na koi to maza kya manane mein.
Dost hi aate hai aansuo ko ponchne,
Warna log tou aansuo ka bhi sauda karte.
Aye dost aapke daaman mein dher saari khushiyon ho,
Ye dua hamari ishwar jaldi qubool ho.
Aapse milkar hamari har talaash hui poori,
Poora kar diya us zindagi ko jo thi adhuri.
Aapke saath challenge aasmaan bankar,
Is pyaari si dosti ko rkha hai dil mein sajakar.
Jha bhi ho humesha mehfooz rakhna sun rha hai na khuda,
Ye dost us dost ke khatir hi saanse le raha.
Aap saath tou saath hai zindagi,
Sabse pyaari hai humein aapki zindagi.
